మురారి ,రచన ఇంటికి చేరే సరికి వీధి తలుపు తీసే ఉంది .
రచనా తలుపు వేసి రాలేదా నువ్వు ? ఆందోళన గా అన్నాడు మురారి .
లేదు మురారి కంగారులో .. అలానే వచ్చేసాను .. అని లోపలకి అడుగు పెట్టిన ఆమె మండువా లో స్పృహ తప్పి
పడిపోయిన సత్య ని చూసి .. మురారీ .. అటు చూడు .. సత్య .. అంది బిత్తరపొతు ..
అరె కింద పడుంది ఏంటి ? అని రెండు అంగల్లో ఆమె ని చేరుకొని ఆమె చెంతనే మోకాళ్ళ పై కూర్చుని ఆమెని తన
ఒడిలోకి తీసుకున్నాడు మురారి .
రచన కూడా అక్కడ కి చేరుకొని కంగారుగా ఆమె వైపు చూసింది .
సత్య మొహం అంతా వడలి పోయి ఉంది . ఒంటిలో ఏమాత్రం శక్తి లేనట్టు చర్మం అంతా పాలిపోయింది ..
అణువంత కూడా శక్తి లేని ఆమె శరీరం లోకి అతని పిలుపు రవ్వంత శక్తి నిoపిoదేమో .. నెమ్మదిగా కళ్ళు తెరచి
మురారీ .. అంది సత్య .
ఆమెనలా చూసాక వాళ్ళిద్దరి కళ్ళలో నీళ్ళు సుళ్ళు తిరిగాయి .
అతడు ఆమెని పొదివి పట్టుకొని చిన్న పిల్లాడిలా ఏడ్చేశాడు . రచన కూడా బాధ ని దిగమింగుకోలేక పోయింది .
మురారీ .. ఆ వైజయంతి సత్య ని విడిచి పెట్టింది . మనం ఇప్పుడన్నా సత్య ని కాపాడుకోవాలి . ముందు తనని
సోఫాలో కూర్చో పెడదాం .. అంది రచన .
అలాగే అని ఆమె ని రెండు చేతులతో ఎత్తుకొని సోఫా లో కూర్చో బెట్టి తను కూర్చొని వాలి పోతున్న ఆమె తలని
తన గుండెలపై పెట్టుకున్నాడు మురారి .
మురారీ .. ముందు సత్య తినడానికి ఏమైనా తెస్తాను . బాగా నీరస పడిపోయింది .. అంది రచన .
సరే రచనా .. అని సత్య ని మరింత దగ్గరగా పొదివి పట్టుకున్నాడు మురారి .
రచనా వంట గదిలోకి వెళ్ళింది . వెళ్లి బ్రెడ్ కాలుస్తుండగా ఎవరో కింద పడిన శబ్దం వినబడింది . అరె .. ఏంటా శబ్దం ?
అని హాలులోకి వెళ్ళిన ఆమె అక్కడ కనిపించిన దృశ్యం చూసి వణికి పోయింది .
సత్య మొహం లో క్రూరత్వం .. మురారి ని చెంప పగల గొట్టడం తో అతడు అల్లంత దూరం లో పడ్డాడు .
వైజయంతీ .. నేను నిన్ను ప్రార్థిస్తున్నాను .. నువ్వు నా సత్య ని విడిచి పెట్టు .. మురారి చేతులు జోడించి అర్థిస్తూ
కనిపించాడు .
రచన బిత్తర పోయి చూసింది .. అంటే సత్య శరీరం లోకి మళ్ళి వైజయంతి .. ఆమె మనసు బాధతో విలవిలలాడింది .
ఓరీ మూర్ఖుడా .. ఎందుకు రా ? నీ ప్రియురాలి ప్రాణాలను నువ్వే అపాయం లో పెట్టుకుంటావు . ఊరి బయట
సత్య లో ఉన్న వైజయంతి .
ఇంకా ఉంది
అభిప్రాయం మాకు అతి విలువైనది
