మల్లెల రాణి ,మంజుల వాణి .. నా అలివేణి ..

మల్లెల రాణి ,మంజుల వాణి .. నా అలివేణి .. నీవేని

తీయని కలని కాంచిన కనులని అలరించగ రా విరిబోణి ..

ఆశల పల్లకి ఎక్కమనీ అడిగిన నేను నీ బోయీ ని ..

ఊహల జగతిని ఏలమనీ కోరిన నే నీ దాసుడని ..

నాహృదయాన్ని కానుక సేయనీ .. ప్రతి ఉదయాన్ని నీకై రానీ .. మల్లెల 

చుక్కల సీమలో వెలిగే చంద్రుని నిను చూసి విలవిల లాడనీ ..

నా మది సీమలో కొలిచే దేవిని వలచిన వేళలో పున్నమి రానీ ..

వెన్నెల బొమ్మా .. విరికొమ్మా .. నీ మోమున సిగ్గే మెరిసేనమ్మ ..

ఓ చినుకమ్మా .. ఇది నా ప్రేమా ..  గొడుగై కాచి తోడవునమ్మా .. మల్ల్లెల


ఆమని ఋతువు లో తొలి గీతాన్ని  .. ఆలపించే కోయిల గానాన్ని  ..

ప్రేమను మధువు లో తీయదనాన్ని .. ఆస్వాదించే నీ అంతరంగాన్ని ..

వన్నెల రెమ్మా .. నే నచ్చానమ్మా .. ఓ లతలా నిను అల్లానమ్మా ..

ఓ చిలుకమ్మా .. నే వచ్చానమ్మా .. నీ గూటిలో చోటడిగానమ్మా .. మల్లెల